Depression Disorder

អ្វីទៅជំងឺធ្លាក់ទឺកចិត្ត

ជម្ងឹធ្លាក់ទឹកចិត្ត គឺជាជម្ងឺមួយក្នុងចំណោមជម្ងឺផ្លូវចិត្តផ្សេង ទៀតដែលយើងជួបប្រទះញឹកញាប់ជាងគេ។ ជម្ងឺធ្លាក់ទឹកចិត្ត គឺជាការធ្លាក់ ចុះនៃ អារម្មណ៍ដែលមានរយៈពេលយូរ (លើសពី២សប្តាហ៍)។ វាស្តែងចេញនូវការប៉ះពាល់អវិជ្ជមានទៅលើអារម្មណ៍ ការគិត ដំណេក អាកប្បកិរិយា សុខភាពផ្លូវកាយ និងការបំពេញការងារប្រចាំថ្ងៃរបស់លោកអ្នក។ វាលើសពីអារម្មណ៍មិនសប្បាយចិត្តធម្មតា ជម្ងឺធ្លាក់ទឹកចិត្តលាយឡំនឹងសញ្ញាជាច្រើនដូចជា មានអារម្មណ៍នឿយ ហត់គ្រប់ពេលវេលា បាត់បង់ ភាពសប្បាយរីករាយជាមួយនឹងអ្វីដែលធ្លាប់ធ្វើពីមុន ឬមានចិត្តចង់ បញ្ចប់ជីវិតខ្លួនឯងតែម្តង។ ជម្ងឺធ្លាក់ទឹកចិត្តអាចមានមូលហេតុច្បាស់ លាស់ ឬពេលខ្លះទៀតមិនមានមូលហេតុច្បាស់លាស់នោះទេ។

ប្រភេទនៃជំងឺធ្លាក់ទឹកចិត្ត

Seasonal Affective Disorder:
Atypical Depresssion:
Bipolar Disorder
Psychotic Depression
Postpartum Depression
Premenstrual Dysphoric Disorder
Situational Depression
Persistent Depressive Disorder

រោគសញ្ញានៃជំងឺធ្លាក់ទឺកចិត្តមានដូចខាងក្រោម

បទពិសោធន៍នៃការរួមផ្សំនៃរោគសញ្ញាទាំងនេះ – រួមជាមួយនឹងអារម្មណ៍មិនល្អ ឬការបាត់បង់ភាពរីករាយ – សម្រាប់រយៈពេលយ៉ាងហោចណាស់ពីរសប្តាហ៍អាចបង្ហាញពីដំណាក់កាលនៃជំងឺធ្លាក់ទឹកចិត្ត ដែលរោគសញ្ញារួមមាន៖

– រោគសញ្ញាលើរាងកាយ

អាការ:រាងកាយ អស់កំលាំងល្ហិតល្ហៃស្ទើរគ្រប់ពេលវេលាដោយ គ្មានមូលហេតុ
វិបត្តិដំណេក បាត់ចំណង់អាហារ ស្រកទំងន់ ឬឡើងទំងន់
ឈឺក្បាល ឈឺចុកចាប់សាច់ដុំស្ទើរតែពេញ ខ្លួនប្រាណ
ឈឺចុកផ្សាលើចុងដង្ហើម ទល់លាមក
រដូវមិនទៀងទាត់(សម្រាប់ស្ត្រី)

– រោគសញ្ញាលើផ្លូវចិត្ត នឹងអារម្មណ៏

អាការៈផ្លូវចិត្ត មានអារម្មណ៍ក្រៀមក្រំ សោកសៅអស់សង្ឃឹម ដូចបាត់បង់អ្វីមួយ
ឆាប់ខឹងឆេវឆាវ
បាត់បង់នូវចំណាប់អារម្មណ៍ និងសប្បាយស្ទើរគ្រប់សកម្មភាពក្នុងជីវិតរស់នៅប្រចាំថ្ងៃ
គ្មានទំនុកចិត្តលើខ្លួនឯង ពិបាកក្នុងការសម្រេចចិត្ត
ស្តីបន្ទោសខ្លួនឯង មានគំនិតមិនចង់រស់ ឬធ្លាប់ធ្វើសកម្មភាពសម្លាប់ខ្លួនម្តង ឬច្រើនដងរួចមកហើយ(អត្តឃាដ)។

– រោគសញ្ញាលើអាកប្បកិរិយា និង ការគិត

ពិបាកក្នុងការផ្ចង់អារម្មណ៍និងការចងចាំធ្លាក់ចុះ
គ្មានចំណង់ចង់ចេញក្រៅ ឬធ្វើការ
ដកខ្លួនចេញពីគ្រួសារ មិត្តភក្តិ និងសង្គម ឈានទៅរកការផឹកស្រា សេពគ្រឿងញៀន និងការប្រើប្រាស់ថ្នាំងងុយគេងដោយគ្មានវេជ្ជបញ្ជា។
ស្អប់ខ្លួនឯង គ្រប់យ៉ាងជាកំហុសខ្ញុំទាំងអស់
គ្មានអ្វីល្អសម្រាប់រូបខ្ញុំទេនៅលើលោកនេះ
ជីវិតខ្ញុំគ្មានន័យអ្វីទាំងអស់
គ្មានអ្នកណាស្រឡាញ់ ពេញចិត្តលើខ្ញុំឡើយ
ខ្ញុំមិនចង់រស់

ការព្យាបាល

ជម្ងឺធ្លាក់ទឹកចិត្តអាចជាជម្ងឺធ្ងន់ធ្ងរ និងអាចប៉ះពាល់ដល់អាយុជិវិតបាន ប៉ុន្តែជម្ងឺនេះអាចព្យាបាលបានដោយវិធីសាស្រ្តមួយចំនួនដូចជា៖

ការព្យាបាលដោយប្រើថ្នាំលើកទឹកចិត្ត និងការព្យាបាលតាមបែបពុទ្ធិអាកប្បកិរិយា
ការនិយាយ ឬបញ្ចេញនូវអារម្មណ៍ទៅកាន់មនុស្ស ជាទីស្រឡាញ់របស់លោកអ្នក។
ការគាំទ្រផ្លូវចិត្តនិងផ្តល់ការប្រឹក្សា
ការធ្វើរបបអាហារឲ្យមានតុល្យភាព
ការធ្វើលំហាត់ប្រាណ និងសម្រាកកាយចិត្តជាប្រចាំ
គេងឲ្យបានគ្រប់គ្រាន់
ទទួលការប្រឹក្សានិងព្យាបាលជាមួយគ្រូពេទ្យដែលមានជំនាញ។

ការបង្កាពីជំងឺធ្លាក់ទឹកចិត្ត

ការប្រើប្រាស់បំណិនជីវិតក្នុងការដោះស្រាយ គេចវេស កែប្រែ និងសម្របទៅនឹងស្ថានភាពតានតឹងក្នុងចិត្តដែលជួបប្រទះ ស្ទើរតែរាល់ថ្ងៃ ក្នុងជីវិតរស់នៅ។
បញ្ឈប់ការសេពគ្រឿងស្រវឹង និងគ្រឿងញៀន
ទទួលយកការព្យាបាលឲ្យទាន់ពេលវេលា
អនុវត្តន៍តាមវេជ្ជបញ្ជាដោយពិសារថ្នាំឲ្យបានទៀងទាត់
មិនឈប់ព្យាបាល និងការប្រើប្រាស់ថ្នាំដោយគ្មានវេជ្ជបញ្ជាពីគ្រូពេទ្យ
ផ្តល់ព័ត៌មានដល់គ្រូពេទ្យជាបន្ទាន់ក្នុងករណីថ្នាំមានផលវិបាក
អ្នកជម្ងឺនិងក្រុមគ្រួសារអ្នកត្រូវសហការណ៍ជាមួយ ក្រុមគ្រូពេទ្យ ដើម្បីរៀនសូត្រអំពី ថាអ្វីទៅជាជម្ងឺធ្លាក់ទឹកចិត្ត ?

អ្វីទៅជំងឺធ្លាក់ទឺកចិត្ត